صالح بن خوات بن جبیر فرماتے ہیں: میرے والد خوات بن جبیر رضی اللہ عنہ نے فرمایا: میں ایک مرتبہ بیمار ہو گیا، رسول اللہ صلی اللہ علیہ وسلم میری عیادت کے لئے تشریف لائے، پھر جب میں تندرست ہو گیا تو آپ علیہ السلام نے فرمایا: اے خوات! تمہارا جسم ٹھیک ہو گیا ہے اب تم اللہ تعالیٰ کے لئے اپنا کیا ہوا وعدہ پورا کرو، میں نے عرض کی: یا رسول اللہ صلی اللہ علیہ وسلم میں نے تو اللہ تعالیٰ کی بارگاہ میں کسی قسم کا کوئی وعدہ نہیں کیا۔ آپ صلی اللہ علیہ وسلم نے فرمایا: کوئی بھی مریض حالت مرض میں کوئی منت مانے یا اس کی نیت کرے تو اس کو چاہیے کہ تندرست ہونے کے بعد اپنا کیا ہوا وعدہ پورا کرے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5859]