ابن اسحاق کہتے ہیں: سیدنا ابوموسیٰ اشعری رضی اللہ عنہ ان لوگوں میں سے ہیں جنہوں نے حبشہ کی جانب ہجرت کی، اور وہیں پر ٹھہرے رہے، حتی کہ رسول اللہ صلی اللہ علیہ وسلم نے عمرو بن امیہ ضمری کو نجاشی کی جانب بھیجا، انہوں نے ان کو دو کشتیوں میں سوار کیا اور ان کو لے کر رسول اللہ صلی اللہ علیہ وسلم کی بارگاہ میں پہنچے، جس وقت رسول اللہ صلی اللہ علیہ وسلم حدیبیہ کے بعد خیبر میں تھے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6067]

سیدنا ابوبردہ رضی اللہ عنہ، سیدنا ابوموسیٰ اشعری رضی اللہ عنہ کے اوصاف بیان کرتے ہوئے کہتے ہیں: وہ بہت دبلے پتلے اور کوتاہ قد تھے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6068]

محمد بن عبداللہ بن نمیر فرماتے ہیں: سیدنا ابوموسیٰ اشعری رضی اللہ عنہ 73 برس کی عمر سن 52 ہجری کو فوت ہوئے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6069]

یحیی بن معین فرماتے ہیں: سیدنا ابوموسیٰ اشعری رضی اللہ عنہ کا نام ” عبداللہ بن قیس “ تھا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6070]