عبداللہ بن شداد، امامہ بنت حمزہ کے ماں شریکی بھائی (اخیافی بھائی) ہیں، آپ اپنی بہن امامہ بنت حمزہ سے روایت کرتے ہیں کہ امامہ کا آزاد کردہ غلام فوت ہو گیا، اور اس کی صرف ایک بیٹی ہی تھی۔ رسول اللہ صلی اللہ علیہ وسلم نے اس کی بیٹی کے لئے آدھا مال اور حمزہ کی بیٹی کے لئے باقی آدھا مال دینے کا فیصلہ فرمایا۔ ام رمثہ رضی اللہ عنہا کا ذکر بعض لوگوں کا کہنا ہے کہ ان کا نام رمیثہ ام حکیم مطلبیہ رضی اللہ عنہا ہے، آپ اسلام بھی لائیں، اور حضور صلی اللہ علیہ وسلم کی بیعت بھی کی، وہ حدیث پاک انہی سے مروی ہے، جس میں یہ ہے کہ سعد بن معاذ رضی اللہ عنہ کی وفات پر عرش بھی لرز اٹھا تھا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 7100]