ام قیس بیان کرتی ہیں کہ رسول اللہ صلی اللہ علیہ وسلم ان کا ہاتھ تھامے مدینہ منورہ کی ایک گلی میں نکلے اور چلتے چلتے بقیع غرقد تک جا پہنچے، (وہاں پہنچ کر) حضور صلی اللہ علیہ وسلم نے مجھے آواز دی، اے ام قیس! میں نے کہا: لبیک و سعدیک یا رسول اللہ صلی اللہ علیہ وسلم ، آپ صلی اللہ علیہ وسلم نے فرمایا: یہ قبرستان دیکھ رہی ہو؟ میں نے کہا: جی ہاں یا رسول اللہ صلی اللہ علیہ وسلم ، آپ صلی اللہ علیہ وسلم نے فرمایا: قیامت کے دن یہاں سے ستر ہزار افراد ایسے اٹھائے جائیں گے، جن کے چہرے چودہویں رات کے چاند کی طرح چمک رہے ہوں گے، وہ بلا حساب جنت میں داخل ہوں گے۔ سیدنا عکاشہ رضی اللہ عنہ اٹھ کر کھڑے ہوئے اور عرض کی: یا رسول اللہ صلی اللہ علیہ وسلم اور میں بھی (بغیر حساب کے جنت میں جاؤں گا؟) حضور صلی اللہ علیہ وسلم نے فرمایا: (جی ہاں) اور تم بھی (بغیر حساب کے جنت میں جاؤ گے) ایک اور آدمی نے کہا: اور میں؟ حضور صلی اللہ علیہ وسلم نے فرمایا: عکاشہ تم پر بازی لے گیا ہے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 7111]