سیدہ برہ بنت ابی تجراہ رضی اللہ عنہا سے مروی ہے کہ جب اللہ تعالیٰ نے رسول اللہ صلی اللہ علیہ وسلم کی تکریم فرمانے اور آپ صلی اللہ علیہ وسلم کو نبوت سے نوازنے کا آغاز فرمایا تو آپ صلی اللہ علیہ وسلم جب قضائے حاجت کے لیے باہر تشریف لے جاتے تو اتنی دور نکل جاتے کہ کوئی گھر نظر نہ آتا اور آپ صلی اللہ علیہ وسلم گھاٹیوں اور وادیوں کے اندرونی حصوں میں پہنچ جاتے، اس دوران آپ صلی اللہ علیہ وسلم جس پتھر یا درخت کے پاس سے گزرتے تو وہ کہتا: «السَّلَامُ عَلَيْكَ يَا رَسُولَ اللهِ» ”اے اللہ کے رسول! آپ پر سلامتی ہو“، آپ صلی اللہ علیہ وسلم اپنے دائیں بائیں اور پیچھے مڑ کر دیکھتے تو کوئی (انسان) نظر نہ آتا۔
حبیبہ بنت ابی تجراہ رضی اللہ عنہا کا تذکرہ۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 7119]