سیدنا زبیر بن عوام رضی اللہ عنہ فرماتے ہیں: یہ آیت: وَأُولُو الْأَرْحَامِ بَعْضُهُمْ أَوْلَى بِبَعْضٍ فِي كِتَابِ اللَّه (الأحزاب: 6) ہمارے حق میں نازل ہوئی، آپ فرماتے ہیں: رسول اللہ صلی اللہ علیہ وسلم نے مہاجرین اور انصار کو ایک دوسرے کا بھائی بھائی بنایا تھا، ہمیں یہ یقین تھا کہ اگر کعب مر گیا تو ہم اس کے وارث بنیں گے کیونکہ اس کا اور کوئی وارث نہیں ہے، لیکن ساتھ ساتھ مجھے یہ بھی خدشہ تھا کہ اگر میں مر گیا تو اسی طرح کعب میرا بھی وارث بنے گا۔ پھر یہ آیت نازل ہو گئی۔ وَأُولُو الْأَرْحَامِ بَعْضُهُمْ أَوْلَى بِبَعْضٍ فِي كِتَابِ اللَّه (الأحزاب: 6) ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كِتَابُ الْفَرَائِضِ/حدیث: 8204]