یعلیٰ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”یہ سمندر ہی جہنم ہے۔“ لوگوں نے یعلیٰ سے کہا: اللہ تعالیٰ نے فرمایا ہے: ﴿نَارًا أَحَاطَ بِهِمْ سُرَادِقُهَا﴾ ”ایک ایسی آگ جس کی قناعتوں نے انہیں گھیر رکھا ہوگا۔“ [سورة الكهف: 29] تو انہوں نے فرمایا: ”اس ذات کی قسم جس کے ہاتھ میں میری جان ہے! میں اللہ سے ملاقات تک کبھی اس میں داخل نہیں ہوں گا اور مجھے اس کا ایک قطرہ بھی نہیں پہنچے گا۔“
اس حدیث کی سند صحیح ہے۔ اس کا مفہوم یہ ہے کہ سمندر اس قدر دشوار گزار ہے گویا وہ جہنم ہے۔ اسی لیے اس پر سیدنا عبداللہ بن عمرو رضی اللہ عنہما کی نبی کریم صلی اللہ علیہ وسلم سے مروی اس حدیث کی تخریج متفرع ہوتی ہے کہ ”سمندر کے نیچے آگ ہے، اور آگ کے نیچے سمندر ہے، اور رہی آگ تو وہ ساتویں زمین کے نیچے ہے۔“ اور صحابہ کرام اور ان کے بعد والوں نے اس کے دھوئیں کو دیکھنے کی گواہی دی ہے! [المستدرك على الصحيحين/كِتَابُ: الْأَهْوَالِ/حدیث: 8977]

سیدنا جابر بن عبداللہ انصاری رضی اللہ عنہما سے روایت ہے، انہوں نے فرمایا: ”میں نے مسجد ضرار کے منہدم ہونے کے وقت اس سے دھواں اٹھتے دیکھا تھا۔“
یہ سند صحیح ہے۔ اور مجھے باہر سے آنے والے ہمارے کئی ساتھیوں نے بیان کیا ہے کہ انہوں نے اس مسجد کو پہچانا ہے اور اس دھوئیں کا مشاہدہ کیا ہے، اور میں پہلے یہ صحیح روایت پیش کر چکا ہوں کہ جہنم ساتویں زمین کے نیچے ہے۔ [المستدرك على الصحيحين/كِتَابُ: الْأَهْوَالِ/حدیث: 8978]