ام المومنین سیدہ عائشہ رضی اللہ عنہا سے روایت ہے کہ ہند ام معاویہ رضی اللہ عنہا رسول اللہ صلی اللہ علیہ وسلم کے پاس حاضر ہوئیں اور کہنے لگیں اے اللہ کے رسول! سیدنا ابوسفیان رضی اللہ عنہ بخیل آدمی ہیں اتنا خرچہ نہیں دیتے جو میری اولاد کو کافی ہو اور میرے پاس وہی ہوتا ہے جو میں ان کی اجازت کے بغیر لے لوں۔ کیا مجھ پر اس کا گناہ ہے؟ تو آپ صلی اللہ علیہ وسلم نے فرمایا: ”صرف اتنا دستور کے مطابق اس کے مال سے لے لیا کرو جو تجھے اور تیری اولاد کو کافی ہو۔“ [السنن المأثورة - الإمام الشافعي/بَابُ مَا جَاءَ فِي فِدْيَةِ الْأَذَىٰ/حدیث: 507]