غریف بن دیلمی کہتے ہیں کہ ہم سیدنا واثلہ بن اسقع رضی اللہ عنہ کی خدمت میں حاضر ہوئے اور ان سے کہا: ”ہمیں حدیث بیان کیجیے جس میں کوئی کمی بیشی نہ ہو“، تو وہ غصے ہو گئے اور کہنے لگے: ”بلاشبہ تم میں کئی ایسے ہیں جو قرآن کی قراءت کرتے ہیں اور اس میں کمی بیشی کر جاتے ہیں، حالانکہ قرآن اس کے اپنے گھر میں لٹکا ہوا ہوتا ہے؟“ ہم نے کہا: ”ہمارا مقصد ہے کہ ایسی حدیث بیان فرمائیں جو آپ نے رسول اللہ صلی اللہ علیہ وسلم سے سنی ہے“۔ انہوں نے کہا: ”ہم اپنے ایک آدمی کے سلسلے میں نبی کریم صلی اللہ علیہ وسلم کے پاس حاضر ہوئے جو قتل کی وجہ سے جہنم کا مستحق ہو چکا تھا، تو آپ صلی اللہ علیہ وسلم نے فرمایا: ”اس کی طرف سے غلام آزاد کر دو، اللہ عزوجل اس کے ہر ہر عضو کے بدلے اس کا ایک ایک عضو آگ سے آزاد فرما دے گا۔“” [سنن ابي داود/كِتَاب الْعِتْق/حدیث: 3964]