🏠 👥 🔍 🧩 🅰️ 📌 ↩️

الحمدللہ ! آج حدیث مبارک کی دو نئی کتب مسند أبي يعلى الموصلي اور المعجم الأوسط اردو عربی سرچ سہولت کے ساتھ پیش کر دی گئی ہے۔ News
مجمع الزاوئد ومنبع الفوائد سے متعلقہ
تمام کتب
ترقیم شاملہ
عربی
اردو
حدیث کتب میں نمبر سے حدیث تلاش کریں:

مجمع الزاوئد ومنبع الفوائد میں نمبر سے تلاش کل احادیث (18776)
حدیث نمبر لکھیں:
مجمع الزاوئد ومنبع الفوائد میں عربی لفظ/الفاظ تلاش کریں
عربی لفظ / الفاظ لکھیں:
مجمع الزاوئد ومنبع الفوائد میں اردو لفظ/الفاظ تلاش کریں
اردو لفظ / الفاظ لکھیں:

80. بَابُ عَرْضِ الْمُقَاتِلَةِ لِيُعْلَمَ مَنْ بَلَغَ مِنْهُمْ فَيُجَازَ
مقابلے کے لئے خود کو پیش کرنا، تاکہ یہ بات پتہ چل جائے کہ ان میں سے کون بالغ ہو چکا ہے، تاکہ اسے اجازت دی جائے
اظهار التشكيل
حدیث نمبر: 9621
عَنْ عَبْدِ الْحَمِيدِ بْنِ جَعْفَرٍ عَنْ أَبِيهِ أَنَّ أُمَّ سَمُرَةَ مَاتَ عَنْهَا زَوْجُهَا [ وَتَرَكَ ابْنَهُ سَمُرَةَ ] وَكَانَتِ امْرَأَةً جَمِيلَةً فَقَدِمَتِ الْمَدِينَةَ فَخُطِبَتْ فَجَعَلَتْ تَقُولُ: لَا أَتَزَوَّجُ رَجُلًا إِلَّا رَجُلًا تَكَفَّلَ لَهَا بِنَفَقَةِ ابْنِهَا سَمُرَةَ حَتَّى يَبْلُغَ، فَتَزَوَّجَهَا رَجُلٌ مِنَ الْأَنْصَارِ [ عَلَى ذَلِكَ، وَكَانَتْ مَعَهُ فِي الْأَنْصَارِ ] وَكَانَ النَّبِيُّ - صَلَّى اللَّهُ عَلَيْهِ وَسَلَّمَ - يَعْرِضُ غِلْمَانَ الْأَنْصَارِ فِي كُلِّ عَامٍ فَمَنْ بَلَغَ مِنْهُمْ بَعَثَهُ، فَعَرَضَهُمْ ذَاتَ عَامٍ فَمَرَّ بِهِ غُلَامٌ فَبَعَثَهُ فِي الْبَعْثِ، وَعُرِضَ عَلَيْهِ سَمُرَةُ مِنْ بَعْدِهِ فَرَدَّهُ، فَقَالَ سَمُرَةُ: يَا رَسُولَ اللَّهِ أَجَزْتَ غُلَامًا وَرَدَدْتَنِي وَلَوْ صَارَعَنِي لَصَرَعْتُهُ؟ قَالَ:" فَدُونَكَ فَصَارِعْهُ". فَصَارَعْتُهُ فَصَرَعْتُهُ فَأَجَازَنِي فِي الْبَعْثِ.
رَوَاهُ الطَّبَرَانِيُّ مُرْسَلًا، وَرِجَالُهُ ثِقَاتٌ.
عبدالحمید بن جعفر اپنے والد کے حوالے سے یہ بات نقل کرتے ہیں: ام سمرہ کے شوہر کا انتقال ہو گیا انہوں نے اپنے بیٹے سمرہ کو پسماندگان میں چھوڑا وہ خاتون خوبصورت خاتون تھیں وہ مدینہ منورہ آئیں انہیں شادی کا پیغام دیا گیا تو انہوں نے یہ کہنا شروع کیا کہ میں صرف اس شخص کے ساتھ شادی کروں گی جو میرے بیٹے سمرہ کے بالغ ہونے تک اس کے خرچ کا کفیل بنے گا، تو انصار سے تعلق رکھنے والے ایک صاحب نے اس شرط پر اس خاتون کے ساتھ شادی کر لی تو وہ خاتون اس شخص کے ساتھ انصار کے محلے میں رہی نبی اکرم صلی اللہ علیہ وسلم ہر سال انصار کے لڑکوں کا جائزہ لیا کرتے تھے ان میں سے جو بالغ ہو جاتا تھا آپ اسے جنگی مہم پر بھیج دیتے تھے ایک مرتبہ آپ ان بچوں کا جائزہ لے رہے تھے آپ کے پاس سے ایک لڑکا گزرا آپ نے اسے جنگی مہم میں بھجوا دیا اس کے بعد آپ کے سامنے سمرہ کو پیش کیا گیا تو آپ نے انہیں واپس کر دیا سمرہ نے عرض کی: یا رسول اللہ! آپ نے فلاں لڑکے کو اجازت دے دی ہے اور مجھے واپس کر دیا ہے اگر آپ میرا اس کے ساتھ مقابلہ کروائیں، تو میں اسے پچھاڑ دوں گا۔ نبی اکرم صلی اللہ علیہ وسلم نے فرمایا: ٹھیک ہے تم اسے پچھاڑ کے دکھاؤ! تو میں نے اس لڑکے کے ساتھ مقابلہ کیا اور اسے پچھاڑ دیا، تو نبی اکرم صلی اللہ علیہ وسلم نے مجھے جنگی مہم میں جانے کی اجازت دے دی۔
یہ روایت امام طبرانی نے ”مرسل“ روایت کے طور پر نقل کی ہے اور اس کے رجال ثقہ ہیں۔ [مجمع الزاوئد ومنبع الفوائد/كِتَابُ الْجِهَادِ/حدیث: 9621]
تخریج الحدیث: «اخرجه الطبراني فى المعجم الكبير (6749)، أخرجه المستدرك على الصحيحين برقم: 2403، وأخرجه شرح معاني الآثار برقم: 5150»

الحكم على الحديث:
إسنادہ صحیح
مزید تخریج الحدیث شرح دیکھیں
اظهار التشكيل
حدیث نمبر: 9622
وَعَنْ رَافِعِ بْنِ خَدِيجٍ قَالَ: جِئْتُ أَنَا وَعَمِّي إِلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - وَهُوَ يُرِيدُ بَدْرًا فَقُلْتُ: يَا رَسُولَ اللَّهِ إِنِّي أُرِيدُ أَنْ أَخْرُجَ مَعَكَ فَجَعَلَ يَقْبِضُ يَدَهُ وَيَقُولُ:" إِنِّي أَسْتَصْغِرُكَ وَلَا أَدْرِي مَا تَصْنَعُ إِذَا لَقِيتَ الْقَوْمَ". فَقُلْتُ: أَتَعْلَمُ أَنِّي أَرْمَى مَنْ رَمَى؟ فَرَدَّنِي فَلَمْ أَشْهَدْ بَدْرًا.
رَوَاهُ الطَّبَرَانِيُّ، وَفِيهِ رِفَاعَةُ بْنُ هُرَيْرٍ، وَهُوَ ضَعِيفٌ. وَفِي غَزْوَةِ أُحُدٍ فِي الْمُغَازِي أَحَادِيثُ نَحْوُ هَذَا.
سیدنا رافع بن خدیج رضی اللہ عنہ بیان کرتے ہیں: میں اور میرے چچا نبی اکرم صلی اللہ علیہ وسلم کی خدمت میں حاضر ہوئے نبی اکرم صلی اللہ علیہ وسلم اس وقت غزوہ بدر میں شرکت کا ارادہ رکھتے تھے میں نے عرض کی: یا رسول اللہ! میں بھی یہ چاہتا ہوں کہ میں بھی آپ کے ساتھ نکلوں، تو نبی اکرم صلی اللہ علیہ وسلم نے اپنے ہاتھ کو بند کرنا شروع کیا اور فرمایا: میں تمہیں کمسن سمجھتا ہوں اور مجھے یہ سمجھ نہیں آ رہی کہ جب تم دشمن کا سامنا کرو گے تو تم کیا کرو گے میں نے عرض کی: کیا آپ یہ بات جانتے ہیں کہ تیر چلانے والوں میں میں سب سے بہتر تیر انداز ہوں، تو نبی اکرم صلی اللہ علیہ وسلم نے مجھے واپس کر دیا اس لئے میں غزوہ بدر شریک نہیں ہو سکا۔
یہ روایت امام طبرانی نے نقل کی ہے۔ اس کی سند میں ایک راوی رفاعہ بن ہریر ہے اور وہ ضعیف ہے اس نوعیت کی کچھ احادیث مغازی سے متعلق کتاب میں غزوہ اُحد کے باب میں آئیں گی۔ [مجمع الزاوئد ومنبع الفوائد/كِتَابُ الْجِهَادِ/حدیث: 9622]
تخریج الحدیث: «اخرجه الطبراني فى المعجم الكبير (4417)»

الحكم على الحديث:
إسنادہ ضعیف
مزید تخریج الحدیث شرح دیکھیں