سنن ابن ماجه

(مرفوع) حدثنا العباس بن عثمان الدمشقي ، حدثنا الوليد بن مسلم ، حدثنا شيبان ابو معاوية ، عن الاعمش ، عن علي بن الاقمر ، عن الاغر ، عن ابي سعيد ، عن النبي صلى الله عليه وسلم، قال:" إذا استيقظ الرجل من الليل، وايقظ امراته فصليا ركعتين، كتبا من الذاكرين الله كثيرا والذاكرات".

ابوسعید اور ابوہریرہ رضی اللہ عنہما کہتے ہیں کہ نبی اکرم صلی اللہ علیہ وسلم نے فرمایا: ”جب آدمی رات میں بیدار ہو اور اپنی بیوی کو جگائے، اور دونوں دو رکعت نماز پڑھیں، تو وہ دونوں «ذاکرین» (اللہ کی یاد کثرت سے کرنے والے) اور «ذاکرات» (کثرت سے یاد کرنے والیوں) میں سے لکھے جائیں گے“ ۱؎۔

تخریج الحدیث: «‏‏‏‏سنن ابی داود/الصلاة 307 (1309)، (تحفة الأشراف: 3965، 12195) (صحیح)» ‏‏‏‏

وضاحت:
۱؎: ان کی شان میں قرآن میں یہ آیا ہے: «والذاكرين الله كثيرا والذاكرات» ”اللہ کی یاد کثرت سے کرنے والے مرد اور عورتیں“ (الأحزاب:35) اس حدیث سے معلوم ہوا کہ قیام اللیل (تہجد) کے لئے دو رکعت بھی کافی ہے، اور سنت آٹھ، دس اور بارہ ہے، اور اس کے بعد وتر، اگر دو رکعت بھی نہ ہو سکیں تو صرف بستر پر ہی رہ کر تھوڑی دیر دعا اور استغفار کر لے، اور اللہ کی یہ یاد بھی غنیمت ہے۔

قال الشيخ الألباني: صحيح

مزید تحكيم الحدیث فوائد و مسائل

حدیث نمبر: 1336

پی ڈی ایف بنائیں اعراب

(مرفوع) حدثنا احمد بن ثابت الجحدري ، حدثنا يحيى بن سعيد ، عن ابن عجلان ، عن القعقاع بن حكيم ، عن ابي صالح ، عن ابي هريرة ، قال: قال رسول الله صلى الله عليه وسلم:" رحم الله رجلا قام من الليل فصلى، وايقظ امراته فصلت، فإن ابت رش في وجهها الماء، رحم الله امراة قامت من الليل فصلت، وايقظت زوجها فصلى، فإن ابى رشت في وجهه الماء".

ابوہریرہ رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”اللہ تعالیٰ اس شخص پر رحم کرے، جو رات میں بیدار ہوا، اور نماز پڑھی، اور اپنی بیوی کو بھی جگایا، اس نے نماز پڑھی، اگر نہ اٹھی تو اس کے چہرہ پہ پانی چھڑکا، اللہ تعالیٰ اس عورت پر رحم کرے، جو رات میں بیدار ہوئی، پھر اس نے نماز پڑھی اور اپنے شوہر کو جگایا، اس نے بھی نماز پڑھی اگر نہ اٹھا تو اس کے منہ پر پانی چھڑکا“۔

تخریج الحدیث: «‏‏‏‏سنن ابی داود/الصلاة 307 (1308)، 348 (1450)، سنن النسائی/ قیام اللیل 5 (1611)، (تحفة الأشراف: 12860)، وقد أخرجہ: مسند احمد (2/250، 436) (حسن صحیح)» ‏‏‏‏

قال الشيخ الألباني: حسن صحيح

مزید تحكيم الحدیث فوائد و مسائل

پچھلا باب اگلا باب