سنن ابن ماجه

(مرفوع) حدثنا هشام بن عمار ، حدثنا سفيان ، عن العلاء بن عبد الرحمن ، عن ابيه ، عن ابي هريرة ، قال: مر رسول الله صلى الله عليه وسلم برجل يبيع طعاما، فادخل يده فيه فإذا هو مغشوش، فقال رسول الله صلى الله عليه وسلم:" ليس منا من غش".

ابوہریرہ رضی اللہ عنہ کہتے ہیں کہ رسول اللہ صلی اللہ علیہ وسلم ایک شخص کے پاس سے گزرے جو گیہوں (غلہ) بیچ رہا تھا، آپ نے اپنا ہاتھ اس کے اندر ڈالا تو وہ «مغشوش» (غیر خالص اور دھوکے والا گڑبڑ) تھا، آپ صلی اللہ علیہ وسلم نے فرمایا: ”جو دھوکہ فریب دے، وہ ہم میں سے نہیں ہے“ ۱؎۔

تخریج الحدیث: «‏‏‏‏سنن ابی داود/البیوع 52 (3452)، (تحفة الأشراف: 14022)، وقد أخرجہ: صحیح مسلم/الإیمان 43 (102)، سنن الترمذی/البیوع 74 (1315)، مسند احمد (2/242) (صحیح)» ‏‏‏‏

وضاحت:
۱؎: «مغشوش»: یعنی غیر خالص اور دھوکے والا یعنی گیہوں اندر سے گیلا تھا۔

قال الشيخ الألباني: صحيح

مزید تحكيم الحدیث فوائد و مسائل

حدیث نمبر: 2225

پی ڈی ایف بنائیں اعراب

(مرفوع) حدثنا ابو بكر بن ابي شيبة حدثنا ابو نعيم ، حدثنا يونس بن ابي إسحاق ، عن ابي داود ، عن ابي الحمراء ، قال: رايت رسول الله صلى الله عليه وسلم مر بجنبات رجل عنده طعام في وعاء، فادخل يده فيه، فقال:" لعلك غششته من غشنا فليس منا".

ابوالحمراء رضی اللہ عنہ کہتے ہیں کہ میں نے رسول اللہ صلی اللہ علیہ وسلم کو دیکھا، آپ ایک شخص کے پاس سے گزرے جس کے پاس ایک برتن میں گیہوں تھا تو آپ صلی اللہ علیہ وسلم نے اپنا ہاتھ اس گیہوں میں ڈالا پھر فرمایا: ”شاید تم نے دھوکا دیا ہے، جو ہمیں دھوکا دے تو وہ ہم میں سے نہیں ہے“۔

تخریج الحدیث: «‏‏‏‏تفرد بہ ابن ماجہ، (تحفة الأشراف: 11889، ومصباح الزجاجة: 781) (ضعیف جدا)» ‏‏‏‏ (سند میں ابوداؤد نفیع بن الحارث الاعمی متروک الحدیث راوی ہیں، امام بخاری نے ابوالحمراء کے ترجمہ میں کہا کہ ان کے بارے میں کہا جاتا ہے کہ یہ صحابی ہیں، ان کی حدیث صحیح نہیں ہے، یعنی ابوداؤد الاعمی کے متروک الحدیث ہونے کی وجہ سے، نیز ملاحظہ ہو: تہذیب الکمال للمزی 33/ 258)۔

قال الشيخ الألباني: ضعيف جدا

مزید تحكيم الحدیث فوائد و مسائل

پچھلا باب اگلا باب