🏠 👥 🔍 🧩 🅰️ 📌 ↩️

الحمدللہ ! آج حدیث مبارک کی دو نئی کتب مسند أبي يعلى الموصلي اور المعجم الأوسط اردو عربی سرچ سہولت کے ساتھ پیش کر دی گئی ہے۔ News
مجمع الزاوئد ومنبع الفوائد سے متعلقہ
تمام کتب
ترقیم شاملہ
عربی
اردو
حدیث کتب میں نمبر سے حدیث تلاش کریں:

مجمع الزاوئد ومنبع الفوائد میں نمبر سے تلاش کل احادیث (18776)
حدیث نمبر لکھیں:
مجمع الزاوئد ومنبع الفوائد میں عربی لفظ/الفاظ تلاش کریں
عربی لفظ / الفاظ لکھیں:
مجمع الزاوئد ومنبع الفوائد میں اردو لفظ/الفاظ تلاش کریں
اردو لفظ / الفاظ لکھیں:
51. بَابٌ فِي صِيَامِ عَاشُورَاءَ .
عاشوراء کے روزے کا بیان
اظهار التشكيل
حدیث نمبر: 5110
وَعَنْ بَعْجَةَ بْنِ عَبْدِ اللَّهِ بْنِ بَدْرٍ، أَنَّ أَبَاهُ أَخْبَرَهُ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ لَهُمْ يَوْمًا:" هَذَا يَوْمُ عَاشُورَاءَ فَصُومُوهُ". فَقَالَ رَجُلٌ مِنْ بَنِي عَمْرِو بْنِ عَوْفٍ: يَا رَسُولَ اللَّهِ، إِنِّي تَرَكْتُ قَوْمِي مِنْهُمْ صَائِمٌ وَمِنْهُمْ مُفْطِرٌ؟ فَقَالَ النَّبِيُّ صَلَّى اللَّهُ عَلَيْهِ وَسَلَّمَ:" اذْهَبْ إِلَيْهِمْ فَمَنْ كَانَ مِنْهُمْ مُفْطِرًا فَلْيُتِمَّ صَوْمَهُ".
رَوَاهُ أَحْمَدُ وَالطَّبَرَانِيُّ فِي الْكَبِيرِ وَالْأَوْسَطِ وَالْبَزَّارُ، وَإِسْنَادُهُ حَسَنٌ.
بعجہ بن عبدالله بن بدر بیان کرتے ہیں: ان کے والد نے انہیں یہ بات بتائی ایک دن نبی اکرم صلی اللہ علیہ وسلم نے لوگوں سے ارشاد فرمایا: یہ عاشوراء کا دن ہے، تو تم اس میں روزہ رکھو بنو عمرو بن عوف سے تعلق رکھنے والے ایک صاحب نے عرض کی: یا رسول اللہ! میں نے اپنی قوم کو ایسی حالت میں چھوڑا ہے کہ ان میں سے کچھ لوگوں نے روزہ رکھا ہوا تھا اور کچھ نے روزہ نہیں رکھا ہوا تھا نبی اکرم صلی اللہ علیہ وسلم نے ارشاد فرمایا: تم ان لوگوں کی طرف جاؤ اور ان میں سے جس نے روزہ نہیں رکھا ہوا تھا وہ اپنے روزے کو مکمل کرے (یعنی باقی دن میں کچھ نہ کھائے پیئے)۔
یہ روایت امام أحمد نے اور امام طبرانی نے معجم کبیر اور معجم اوسط میں نقل کی ہے، اور امام بزار نے نقل کی ہے، اور اس کی سند حسن ہے۔ [مجمع الزاوئد ومنبع الفوائد/كتاب الصيام/حدیث: 5110]
تخریج الحدیث: «اخرجه احمد فى المسند (467/6)، أخرجه مسند أحمد برقم: 27099، وأخرجه المعجم الأوسط للطبراني برقم: 5679»

الحكم على الحديث:
إسنادہ حسن۔
مزید تخریج الحدیث شرح دیکھیں
اظهار التشكيل
حدیث نمبر: 5111
وَعَنْ هِنْدِ بْنِ أَسْمَاءَ الْأَسْلَمِيِّ قَالَ: بَعَثَنِي رَسُولُ اللَّهِ صَلَّى اللَّهُ عَلَيْهِ وَسَلَّمَ إِلَى قَوْمِي مِنْ أَسْلَمَ فَقَالَ:" مُرْ قَوْمَكَ فَلْيَصُومُوا هَذَا الْيَوْمَ يَوْمَ عَاشُورَاءَ، فَمَنْ وَجَدْتَهُ مِنْهُمْ قَدْ أَكَلَ فِي أَوَّلِ يَوْمِهِ فَلْيُتِمَّ آخِرَهُ".
رَوَاهُ أَحْمَدُ وَالطَّبَرَانِيُّ فِي الْكَبِيرِ، وَرِجَالُ أَحْمَدَ ثِقَاتٌ.
سیدنا ہند بن اسماء اسلمی رضی اللہ عنہ بیان کرتے ہیں: نبی اکرم صلی اللہ علیہ وسلم نے مجھے میری قوم اسلم قبیلے کی طرف بھیجا آپ نے ارشاد فرمایا: تم اپنی قوم کو یہ ہدایت کرو کہ اس دن یعنی عاشوراء کے دن روزہ رکھیں اور ان میں سے جس شخص کو تم پاؤ کہ اس نے دن کے ابتدائی حصے میں کچھ کھا لیا ہو تو وہ دن کے آخری حصے تک (روزے کو) مکمل کرے۔
یہ روایت امام أحمد نے اور امام طبرانی نے معجم کبیر میں نقل کی ہے۔ امام أحمد کے رجال ثقہ ہیں۔ [مجمع الزاوئد ومنبع الفوائد/كتاب الصيام/حدیث: 5111]
تخریج الحدیث: «اخرجه الطبراني فى المعجم الكبير (207/22) اخرجه احمد فى المسند (484/3)، أخرجه مسند أحمد برقم: 15532»

الحكم على الحديث:
إسنادہ صحیح۔
مزید تخریج الحدیث شرح دیکھیں
اظهار التشكيل
حدیث نمبر: 5112
وَعَنْ يَحْيَى بْنِ هِنْدِ بْنِ حَارِثَةَ، وَكَانَ هِنْدُ مِنْ أَصْحَابِ الْحُدَيْبِيَةِ، وَأَخُوهُ الَّذِي بَعَثَهُ رَسُولُ اللَّهِ صَلَّى اللَّهُ عَلَيْهِ وَسَلَّمَ يَأْمُرُ قَوْمَهُ بِصِيَامِ عَاشُورَاءَ، وَهُوَ أَسْمَاءُ بْنُ حَارِثَةَ، فَحَدَّثَنِي يَحْيَى بْنُ هِنْدٍ عَنْ أَسْمَاءَ بْنِ حَارِثَةَ، أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ بَعَثَهُ فَقَالَ:" مُرْ قَوْمَكَ بِصِيَامِ هَذَا الْيَوْمِ". قَالَ: أَرَأَيْتَ إِنْ وَجَدْتَهُمْ قَدْ طَعِمُوا؟ قَالَ:" فَلْيُتِمُّوا آخِرَ يَوْمِهِمْ".
رَوَاهُ أَحْمَدُ هَكَذَا شَبَّهَ الْمُرْسَلِ، وَرَوَاهُ ابْنُهُ عَنْ يَحْيَى بْنِ هِنْدِ بْنِ حَارِثَةَ عَنْ أَبِيهِ، وَرِجَالُهُ ثِقَاتٌ.
یحیی بن ہند بن حارثہ بیان کرتے ہیں: سیدنا ہند رضی اللہ عنہ کو غزوہ حدیبیہ میں شرکت کا شرف حاصل ہے، اور ان کے بھائی وہ شخص ہیں جنہیں نبی اکرم صلی اللہ علیہ وسلم نے بھیجا تھا کہ وہ اپنی قوم کو عاشوراء کے دن روزہ رکھنے کا حکم دیں ان کا نام سیدنا اسماء بن حارثہ رضی اللہ عنہ ہے، تو یحیی بن ہند نے سیدنا اسماء بن حارثہ رضی اللہ عنہ کے حوالے سے یہ بات مجھے بیان کی کہ نبی اکرم صلی اللہ علیہ وسلم نے مجھے بھیجا اور ارشاد فرمایا: تم اپنی قوم کو اس دن روزہ رکھنے کا حکم دو! انہوں نے عرض کی: آپ کی اس بارے میں کیا رائے ہے؟ اگر میں ان لوگوں کو پاتا ہوں کہ وہ کھانا کھا چکے ہوں؟ نبی اکرم صلی اللہ علیہ وسلم نے فرمایا: پھر وہ دن کے آخری حصے تک (روزے کو) مکمل کریں (یعنی پھر کچھ نہ کھائیں پیئیں)۔
یہ روایت امام أحمد نے نقل کی ہے، اور انہوں نے اسے اسی طرح ”مرسل“ روایت کے طور پر نقل کیا ہے ان سے ان کے صاحبزادے نے یحیی بن ہند بن حارثہ کے حوالے سے ان کے والد کے حوالے سے اسے نقل کیا ہے، اور اس کے رجال ثقہ ہیں۔ [مجمع الزاوئد ومنبع الفوائد/كتاب الصيام/حدیث: 5112]
تخریج الحدیث: «اخرجه احمد فى المسند (484/3)، أخرجه مسند أحمد برقم: 15533»

الحكم على الحديث:
إسنادہ صحیح
مزید تخریج الحدیث شرح دیکھیں
اظهار التشكيل
حدیث نمبر: 5113
وَعَنْ أَسْمَاءَ بْنِ حَارِثَةَ قَالَ: بَعَثَنِي رَسُولُ اللَّهِ صَلَّى اللَّهُ عَلَيْهِ وَسَلَّمَ يَوْمَ عَاشُورَاءَ فَقَالَ:" ائْتِ قَوْمَكَ فَمُرْهُمْ أَنْ يَصُومُوا هَذَا الْيَوْمَ". قَالَ: يَا رَسُولَ اللَّهِ، مَا أُرَانِي آتِيهِمْ حَتَّى يَطْعَمُوا؟ قَالَ:" فَمُرْ مَنْ طَعِمَ مِنْهُمْ فَلْيَصُمْ بَقِيَّةَ يَوْمِهِ".
رَوَاهُ الطَّبَرَانِيُّ فِي الْكَبِيرِ وَالْأَوْسَطِ، وَرِجَالُهُ رِجَالُ الصَّحِيحِ.
سیدنا اسماء بن حارثہ رضی اللہ عنہ بیان کرتے ہیں: عاشوراء کے دن نبی اکرم صلی اللہ علیہ وسلم نے مجھے بھیجا اور ارشاد فرمایا: تم اپنی قوم کے پاس جاؤ اور انہیں یہ ہدایت کرو کہ وہ آج کے دن روزہ رکھیں انہوں نے عرض کی: یا رسول اللہ! اپنے بارے میں میرا یہ خیال ہے کہ جب میں ان کے پاس پہنچوں گا، تو وہ لوگ کچھ کھا چکے ہوں گے۔ نبی اکرم صلی اللہ علیہ وسلم نے ارشاد فرمایا: ان میں سے جس نے کچھ کھا لیا ہو اس کو تم یہ ہدایت کرنا کہ وہ باقی دن میں روزہ رکھے“۔
یہ روایت امام طبرانی نے معجم کبیر اور معجم اوسط میں نقل کی ہے، اور اس کے رجال ”صحیح“ کے رجال ہیں۔ [مجمع الزاوئد ومنبع الفوائد/كتاب الصيام/حدیث: 5113]
تخریج الحدیث: «أخرجه مسند أحمد برقم: 15532، وأخرجه المعجم الكبير للطبراني برقم: 869، وأخرجه الأحاديث المختارة برقم: 1438»

الحكم على الحديث:
إسنادہ صحیح
مزید تخریج الحدیث شرح دیکھیں
اظهار التشكيل
حدیث نمبر: 5114
وَعَنْ جَابِرٍ أَنَّهُ قَالَ: أَمَرَنَا رَسُولُ اللَّهِ صَلَّى اللَّهُ عَلَيْهِ وَسَلَّمَ بِيَوْمِ عَاشُورَاءَ أَنْ نَصُومَهُ وَقَالَ:" هُوَ يَوْمٌ كَانَتِ الْيَهُودُ تَصُومُهُ".
رَوَاهُ أَحْمَدُ وَالطَّبَرَانِيُّ فِي الْأَوْسَطِ، وَفِيهِ ابْنُ لَهِيعَةَ، وَهُوَ حَسَنُ الْحَدِيثِ، وَفِيهِ كَلَامٌ.
سیدنا جابر رضی اللہ عنہ بیان کرتے ہیں: نبی اکرم صلی اللہ علیہ وسلم نے ہمیں عاشوراء کے دن کے بارے میں یہ حکم دیا تھا کہ ہم اس دن روزہ رکھیں، اور آپ نے ارشاد فرمایا: ”یہ وہ دن ہے جس میں یہودی روزہ رکھا کرتے تھے“۔
یہ روایت امام أحمد نے اور امام طبرانی نے معجم اوسط میں نقل کی ہے۔ اس کی سند میں ایک راوی ابن لہیعہ ہے، اور وہ حسن الحدیث ہے، اور اس کے بارے میں کلام کیا گیا ہے۔ [مجمع الزاوئد ومنبع الفوائد/كتاب الصيام/حدیث: 5114]
تخریج الحدیث: «اخرجه احمد فى المسند (340/3)، أخرجه مسند أحمد برقم: 14253، وأخرجه المعجم الأوسط للطبراني برقم: 8059»

الحكم على الحديث:
إسنادہ ضعیف
مزید تخریج الحدیث شرح دیکھیں
اظهار التشكيل
حدیث نمبر: 5115
وَعَنْ أَبِي هُرَيْرَةَ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:" عَاشُورَاءُ عِيدُ نَبِيٍّ كَانَ قَبْلَكُمْ فَصُومُوهُ أَنْتُمْ".
رَوَاهُ الْبَزَّارُ، وَفِيهِ إِبْرَاهِيمُ الْهَجَرِيُّ وَثَّقَهُ ابْنُ عَدِيٍّ، وَضَعَّفَهُ الْأَئِمَّةُ.
سیدنا ابوہریرہ رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فرمایا: ”عاشوراء تم سے پہلے کے ایک نبی کی عید کا دن ہے، تو تم لوگ اس دن روزہ رکھو“۔
یہ روایت امام بزار نے نقل کی ہے۔ اس کی سند میں ایک راوی ابراہیم ہجری ہے، جسے ابن عدی نے ”ثقہ“ قرار دیا ہے، اور ائمہ نے اسے ضعیف کہا: ہے۔ [مجمع الزاوئد ومنبع الفوائد/كتاب الصيام/حدیث: 5115]

الحكم على الحديث:
إسنادہ ضعیف
مزید تخریج الحدیث شرح دیکھیں
اظهار التشكيل
حدیث نمبر: 5116
وَعَنْ مَجْزَأَةَ بْنِ زَاهِرٍ عَنْ أَبِيهِ قَالَ: سَمِعْتُ مُنَادِيَ رَسُولِ اللَّهِ صَلَّى اللَّهُ عَلَيْهِ وَسَلَّمَ يَوْمَ عَاشُورَاءَ، وَهُوَ يَقُولُ:" مَنْ كَانَ صَائِمًا الْيَوْمَ فَلْيُتِمَّ صَوْمَهُ، وَمَنْ لَمْ يَكُنْ صَائِمًا فَلْيُتِمَّ مَا بَقِيَ أَوْ لِيَصُمْ".
رَوَاهُ الْبَزَّارُ وَالطَّبَرَانِيُّ فِي الْكَبِيرِ وَالْأَوْسَطِ إِلَّا أَنَّهُ قَالَ: إِنَّ النَّبِيَّ صَلَّى اللَّهُ عَلَيْهِ وَسَلَّمَ أَمَرَ، وَرِجَالُ الْبَزَّارِ ثِقَاتٌ.
مجزاة بن زاہر نے اپنے والد کا یہ بیان نقل کیا ہے: میں نے نبی اکرم صلی اللہ علیہ وسلم کے منادی کو عاشوراء کے دن یہ کہتے ہوئے سنا: ”آج جس نے روزہ رکھا ہوا ہے وہ اپنے روزے کو مکمل کرے اور جس نے روزہ نہیں رکھا ہوا تو وہ باقی رہ جانے والے (دن کے حصے کو مکمل کرے (راوی کو شک ہے شاید یہ الفاظ ہیں:) روزہ رکھنے“۔
یہ روایت امام بزار نے امام طبرانی نے معجم کبیر اور معجم اوسط میں نقل کی ہے، اور انہوں نے یہ الفاظ نقل کیے ہیں: ”نبی اکرم صلی اللہ علیہ وسلم نے یہ حکم دیا۔۔۔۔۔۔۔۔“۔ امام بزار کے رجال ثقہ ہیں۔ [مجمع الزاوئد ومنبع الفوائد/كتاب الصيام/حدیث: 5116]
تخریج الحدیث: «اخرجه الطبراني فى المعجم الكبير (5312) اخرجه الطبراني فى المعجم الاوسط (593) اخرجه البزار فى المسند (1047)، أخرجه المعجم الكبير للطبراني برقم: 5312، وأخرجه المعجم الأوسط للطبراني برقم: 593»

الحكم على الحديث:
إسنادہ صحیح
مزید تخریج الحدیث شرح دیکھیں
اظهار التشكيل
حدیث نمبر: 5117
وَعَنْ أَبِي سَعِيدٍ الْخُدْرِيِّ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ أَمَرَ بِصَوْمِ عَاشُورَاءَ، وَكَانَ لَا يَصُومُهُ.
رَوَاهُ أَبُو يَعْلَى، وَفِيهِ أَبُو هَارُونَ الْعَبْدِيُّ، وَهُوَ ضَعِيفٌ.
سیدنا ابوسعید خدری رضی اللہ عنہ بیان کرتے ہیں: نبی اکرم صلی اللہ علیہ وسلم نے عاشوراء کے دن روزہ رکھنے کا حکم دیا تھا اور آپ خود یہ روزہ نہیں رکھتے تھے۔
یہ روایت امام ابویعلیٰ نے نقل کی ہے۔ اس کی سند میں ایک راوی ابوہارون عبدی ہے، اور وہ ضعیف ہے۔ [مجمع الزاوئد ومنبع الفوائد/كتاب الصيام/حدیث: 5117]
تخریج الحدیث: «اخرجه ابو يعلى فى المسند (1132)، أخرجه المطالب العالية بزوائد المسانيد الثمانية برقم: 1084، وأخرجه إتحاف الخيرة المهرة بزوائد المسانيد العشرة برقم: 2236»

الحكم على الحديث:
إسناده ضعیف
مزید تخریج الحدیث شرح دیکھیں
اظهار التشكيل
حدیث نمبر: 5118
وَعَنْ عُلَيْلَةَ عَنْ أُمِّهَا قَالَتْ: قُلْتُ لِأَمَةِ اللَّهِ بِنْتِ رُزَيْنَةَ: يَا أَمَةَ اللَّهِ، حَدَّثَتْكِ أُمُّكِ أَنَّهَا سَمِعَتْ رَسُولَ اللَّهِ صَلَّى اللَّهُ عَلَيْهِ وَسَلَّمَ يَذْكُرُ صَوْمَ عَاشُورَاءَ؟ قَالَتْ: نَعَمْ، وَكَانَ يُعَظِّمُهُ حَتَّى يَدْعُوَ بِرُضَعَائِهِ وَرُضَعَاءِ ابْنَتِهِ فَاطِمَةَ فَيَتْفُلُ فِي أَفَوَاهِهِنَّ، وَيَقُولُ لِلْأُمَّهَاتِ:" لَا تُرْضِعُوهُنَّ إِلَى اللَّيْلِ".
رَوَاهُ أَبُو يَعْلَى وَالطَّبَرَانِيُّ فِي الْكَبِيرِ وَالْأَوْسَطِ وَلَفْظُهُ: كَانَ رَسُولُ اللَّهِ صَلَّى اللَّهُ عَلَيْهِ وَسَلَّمَ يُعَظِّمُهُ حَتَّى إِنْ كَانَ لَيَدْعُوَ بِصِبْيَانِهِ وَصِبْيَانِ فَاطِمَةَ الْمَرَاضِعِ ذَلِكَ الْيَوْمَ فَيَتْفُلُ فِي أَفْوَاهِهِمْ وَيَقُولُ لِأُمَّهَاتِهِمْ:" لَا تُرْضِعُوهُمْ إِلَى اللَّيْلِ". وَكَانَ رِيقُهُ يُجْزِئُهُمْ.
وَعُلَيْلَةُ وَمَنْ فَوْقَهَا لَمْ أَجِدْ مَنْ تَرْجَمَهُنَّ، وَسَمَّى الطَّبَرَانِيُّ فَقَالَ: عُلَيْلَةُ بِنْتُ الْكُمَيْتِ، عَنْ أُمِّهَا أَمِينَةَ.
علیلہ نامی خاتون اپنی والدہ کا یہ بیان نقل کرتی ہیں: میں نے امتہ اللہ بنت رزینہ سے کہا: اے امتہ اللہ! کیا آپ کی والدہ نے آپ کو یہ حدیث بیان کی ہے کہ انہوں نے نبی اکرم صلی اللہ علیہ وسلم کو عاشوراء کے روزے کے بارے میں کوئی بات ارشاد فرماتے ہوئے سنا ہے؟ تو اس خاتون نے جواب دیا: جی ہاں۔ نبی اکرم صلی اللہ علیہ وسلم اس دن کی تعظیم کرتے تھے، یہاں تک کہ آپ اپنے اور اپنی صاحبزادی سیدہ فاطمہ رضی اللہ عنہ کے دودھ پیتے بچوں کو بلاتے تھے، اور ان کے منہ میں لعاب دہن ڈال دیتے تھے اور ان کی ماؤں سے یہ فرماتے تھے کہ رات ہونے تک انہیں دودھ نہ پلانا۔
یہ روایت امام ابویعلیٰ نے اور امام طبرانی نے معجم کبیر اور معجم اوسط میں نقل کی ہے، اور اس کے الفاظ یہ ہیں: ”نبی اکرم صلی اللہ علیہ وسلم اس کی تعظیم کرتے تھے، یہاں تک کہ آپ اپنے اور سیدہ فاطمہ رضی اللہ عنہ کے دودھ پیتے بچوں کو بھی بلواتے تھے، اور ان کے منہ میں لعاب دہن ڈال دیتے تھے، اور ان کی ماؤں سے یہ کہتے تھے: رات ہونے تک تم انہیں دودھ نہ پلانا نبی اکرم صلی اللہ علیہ وسلم کا لعاب دہن ان بچوں کے لئے کفایت کر جاتا تھا“۔ علیلہ نامی خاتون اور اس سے اوپر کی خواتین کے حالات بیان کرتے ہوئے میں نے کسی کو نہیں پایا ہے۔ امام طبرانی نے یہ بات بیان کی ہے علیلہ بنت کمیت نے اپنی والدہ امینہ کے حوالے سے
یہ روایت نقل کی ہے۔ [مجمع الزاوئد ومنبع الفوائد/كتاب الصيام/حدیث: 5118]
تخریج الحدیث: «اخرجه ابو يعلى فى المسند (7162)، أخرجه صحيح ابن خزيمة برقم: 2089، وأخرجه المعجم الأوسط للطبراني برقم: 2589»

الحكم على الحديث:
إسناده ضعیف
مزید تخریج الحدیث شرح دیکھیں
اظهار التشكيل
حدیث نمبر: 5119
وَعَنْ أَبِي سَعِيدٍ الْخُدْرِيِّ أَنَّ النَّبِيَّ صَلَّى اللَّهُ عَلَيْهِ وَسَلَّمَ ذَكَرَ يَوْمَ عَاشُورَاءَ فَعَظَّمَ مِنْهُ، ثُمَّ قَالَ لِمَنْ حَوْلَهُ:" مَنْ كَانَ لَمْ يَطْعَمْ مِنْكُمْ فَلْيَصُمْ يَوْمَهُ هَذَا، وَمَنْ كَانَ قَدْ طَعِمَ مِنْكُمْ فَلْيَصُمْ بَقِيَّةَ يَوْمِهِ".
رَوَاهُ الطَّبَرَانِيُّ فِي الْأَوْسَطِ، وَرِجَالُهُ ثِقَاتٌ.
سیدنا ابوسعید خدری رضی اللہ عنہ بیان کرتے ہیں: نبی اکرم صلی اللہ علیہ وسلم نے عاشوراء کے دن کا ذکر کرتے ہوئے اس کی عظمت کا اظہار کیا، اور اپنے آس پاس موجود افراد سے یہ فرمایا: ”تم میں سے جس شخص نے کچھ نہ کھایا ہو تو وہ آج کے دن روزہ رکھ لے اور تم میں سے جس شخص نے کچھ کھا لیا ہو تو وہ باقی دن میں روزہ رکھے“۔
یہ روایت امام طبرانی نے معجم اوسط میں نقل کی ہے، اور اس کے رجال ثقہ ہیں۔ [مجمع الزاوئد ومنبع الفوائد/كتاب الصيام/حدیث: 5119]
تخریج الحدیث: «أخرجه شرح مشكل الآثار برقم: 2273»

الحكم على الحديث:
إسنادہ صحیح
مزید تخریج الحدیث شرح دیکھیں