حدیث حاشیہ:
وہ بات یہ تھی کہ انصاری جناب رسول کریم صلی اللہ علیہ وسلم سے بہت محبت رکھتے اور آ پ صلی اللہ علیہ وسلم کی بہت تعظیم کرتے تھے۔
معلوم ہوا جوکوئی اللہ اور اس کے رسول صلی اللہ علیہ وسلم سے محبت رکھے اسکی خدمت کرنا عین سعادت ہے۔
بہ ظاہر اس حدیث کی مطابقت ترجمہ باب سے مشکل ہے‘ عینی نے کہا مسلم کی روایت میں اتنا زیادہ ہے کہ یہ صحبت سفر میں ہوئی اور سفر عام ہے جو جہاد کے سفر کو بھی شامل ہے پس باب سے مطابقت ہو گئی۔

حدیث حاشیہ:
1۔
وہ بات یہ تھی کہ انصار ہمیشہ رسول اللہ صلی اللہ علیہ وسلم سے بہت محبت کیاکرتے اور آپ کی ہرطرح سے خدمت بجالاتے تھے۔
2۔
اس سے معلوم ہوا کہ ا گر کوئی اللہ اور اس کے رسول صلی اللہ علیہ وسلم سے محبت کرتا ہے تواس کی خدمت کرنا عین سعادت ہے۔
صحیح مسلم میں اتنا اضافہ ہے کہ حضرت انس ؓ کی حضرت جریر ؓ کے ساتھ ہم نشینی سفر میں ہوئی اور سفر عام ہے، خواہ جہاد کا ہو یا غیر جہاد کا۔
اس سے امام بخاری ؓ نے دوران جہاد میں خدمت کرنے کی فضیلت کو ثابت کیا ہے۔