حدیث حاشیہ:
کل مسلمان تین سو دس اور تین سو انیس کے درمیان تھے۔
جنگ میں بھرتی کے لیے صرف بالغ جوان لئے جاتے تھے۔
حضرت براء اور عبداللہ بن عمرؓ کم سنی کی وجہ سے بھرتی میں نہیں لیے گئے۔
ان کی عمریں13-14سالوں کی تھیں۔
جنگ بدر میں کفار کی تعداد ایک ہزاریا سات سو پچاس تھی اور ان کے پاس ہتھیار بھی کافی تھے پھر بھی اللہ نے مسلمانوں کو فتح مبین عطا فرمائی۔
طالوت اسرائیل کا ایک بادشاہ تھا جس کی فوج میں حضرت داؤدؑ بھی شامل تھے، مقابلہ جالوت نامی کافر سے تھا جس کا لشکر بڑا تھا، مگر اللہ نے طالوت کو فتح عنایت فرمائی۔

حدیث حاشیہ:
حضرت عبداللہ بن عمرؓ کی عمرغزوہ بدر کے موقع پر تیرہ برس تھی۔
جہاد کی خواہش رکھنے کے باوجود انھیں اور حضرت براء بن عازب ؓ کو اجازت نہیں ملی۔
غزوہ خندق میں انھیں شریک کیا گیا۔
اسی طرح غزوہ اُحد میں بھی حضرت ابن عمر ؓ کو شریک نہیں کیا گیا اگرچہ اس وقت ان کی عمر چودہ سال تھی۔
رسول اللہ صلی اللہ علیہ وسلم جنگ میں ان لوگوں کو شامل فرماتے۔
جوبالغ ہوتے تھے۔
غزوہ بدر میں کفار کی تعداد سات سوپچاس یا ایک ہزارکے لگ بھگ تھی اور ان کے پاس اسلحہ بھی کافی تھا جبکہ مسلمانوں کی تعداد تین سودس یا تین سوانیس تھی۔
ہتھیار بھی پورے نہ تھے۔
اس کے باجود اللہ تعالیٰ نے اسلام اور اہل اسلام کا بول بالافرمایا۔
آج بھی اگرفضائے بدر پیدا ہوئے تو اللہ کی مدد اوراس کی تائید مسلمانوں کے شامل حال ہوسکتی ہے۔