حدیث حاشیہ:
مشہور روایتوں میں ہے کہ آنحضرت صلی اللہ علیہ وسلم غزوئہ حنین کے لیے شوال میں فتح مکہ کے بعد تشریف لے گئے تھے۔
اس روایت میں ہے کہ آنحضرت صلی اللہ علیہ وسلم نے رمضان ہی میں غزوئہ حنین کا سفر کیا تھا۔
سو تطبیق یہ ہے کہ سفر مبارک رمضان میں شروع ہوا۔
شوال میں اس کی تکمیل ہوئی۔
غزوئہ حنین کا وقوع شوال ہی میں صحیح ہے۔
(قسطلانی)

حدیث حاشیہ:
1۔
ان روایات سے معلوم ہوتا ہے کہ رسول اللہ صلی اللہ علیہ وسلم غزوہ حنین کے لیے ماہ رمضان میں تشریف لے گئے، حالانکہ غزوہ حنین رمضان میں نہیں بلکہ ماہ شوال میں ہوا تھا۔
اس اشکال کے مختلف جواب دیے گئے ہیں لیکن محب طبری کا جواب قرین قیاس معلوم ہوتا ہے کہ رسول اللہ صلی اللہ علیہ وسلم کے رمضان میں حنین کی طرف نکلنے سے مراد یہ ہے کہ ہوازن کی شورش سن کر ان کی طرف رمضان میں نکلنے کا پروگرام بنایاتھا، یعنی نکلنے سے مراد نکلنے کا ارادہ ہے۔
یہ استعمال عربی زبان میں عام ہے۔
2۔
حنین مکہ مکرمہ سے دس میل دور ایک وادی ہے۔
اس غزوے کا سبب یہ تھا کہ جب رسول اللہ صلی اللہ علیہ وسلم نے خزاعہ کی مدد کے لیے مکہ مکرمہ سے نکلنے کاارادہ کیا تو قبیلہ ہوازن کو یہ خبر پہنچائی گئی کہ آپ ان پرحملہ کرنے والے ہیں۔
وہ آپ کا مقابلہ کرنے کے لیے ذوالمجاز منڈی میں آگئے۔
رسول اللہ صلی اللہ علیہ وسلم چلتے رہے حتی کہ وادی حنین میں اتوار کی رات کو پہنچے، پھرنصف شوال اتوار کے دن ان سے صلح ہوگئ۔
(عمدة القاري: 264/12۔
)