«وَعَنْهُ» اور انہی (انس) سے – «رَضِيَ اللَّهُ عَنْهُ» اللہ ان سے راضی ہو – «أَنَّ» کہ – «النَّبِيَّ» نبی – «صَلَّى اللَّهُ عَلَيْهِ وَآلِهِ وَسَلَّمَ» اللہ کی رحمت ہو ان پر اور ان کی آل پر سلامتی ہو – «كَانَ لَا يَقْنُتُ» قنوت نہیں پڑھا کرتے تھے – «إِلَّا» مگر – «إِذَا دَعَا» جب دعا کرتے – «لِقَوْمٍ» کسی قوم کے حق میں – «أَوْ دَعَا» یا بد دعا کرتے – «عَلَى قَوْمٍ» کسی قوم کے خلاف۔ – «صَحَّحَهُ» اسے صحیح کہا – «ابْنُ خُزَيْمَةَ» ابن خزیمہ نے۔
اور انہی (سیدنا انس رضی اللہ عنہ) سے روایت ہے کہ نبی صلی اللہ علیہ وآلہ وسلم قنوت نہیں پڑھا کرتے تھے مگر اس وقت جب کسی قوم کے حق میں دعا کرتے یا کسی قوم کے خلاف بد دعا کرتے۔ ابن خزیمہ نے اسے صحیح کہا ہے۔ [بلوغ المرام/حدیث: 242]