«وَعَنْ» اور سے – «مَعْمَرِ بْنِ عَبْدِ اللَّهِ» معمر بن عبداللہ – «رَضِيَ اللَّهُ عَنْهُ» اللہ ان سے راضی ہو – «قَالَ» (انہوں نے) کہا: – «إِنِّي كُنْتُ أَسْمَعُ» بے شک میں سنا کرتا تھا – «رَسُولَ اللَّهِ» اللہ کے رسول کو – «صَلَّى اللَّهُ عَلَيْهِ وَآلِهِ وَسَلَّمَ» اللہ کی رحمت ہو ان پر اور ان کی آل پر سلامتی ہو – «يَقُولُ» فرماتے ہوئے: – «الطَّعَامُ بِالطَّعَامِ» غلہ غلے کے بدلے – «مِثْلًا بِمِثْلٍ» برابر برابر ہو۔ – «وَكَانَ طَعَامُنَا» اور ہمارا غلہ – «يَوْمَئِذٍ» ان دنوں – «الشَّعِيرَ» جو تھا۔ – «رَوَاهُ» اسے روایت کیا – «مُسْلِمٌ» مسلم نے۔
اور سیدنا معمر بن عبداللہ رضی اللہ عنہ سے روایت ہے، انہوں نے کہا: میں رسول اللہ صلی اللہ علیہ وآلہ وسلم کو فرماتے ہوئے سنا کرتا تھا: ”غلہ غلے کے بدلے برابر برابر (بیچا جائے)۔“ اور ان دنوں ہمارا غلہ جو ہوتا تھا۔ اسے مسلم نے روایت کیا ہے۔ [بلوغ المرام/حدیث: 702]