حدیث حاشیہ:
فوائد ومسائل:
آپ صلی اللہ علیہ وسلم کا زکاۃ لانے والوں کے لیے دعا کرنا۔
اللہ تعالیٰ کا فرمان:
﴿وَصَلِّ عَلَيْهِمْ إِنَّ صَلاتَكَ سَكَنٌ لَهُمْ﴾ کی تعمیل میں تھا۔
کیونکہ دعا ملنے سے انسان کو ایک طرح سے سکون اور اطمینان حاصل ہوتا ہے۔
آپ صلی اللہ علیہ وسلم تو کسی کو لفظ صلوۃ کے ذریعہ دعا دے سکتے تھے لیکن ہمارے لیے غیر انبیاء علیہ السلام کے لیے الگ اور مستقل طور پر لفظ صلوۃ اور سلام استعمال کرنا مناسب نہیں ہے۔
کیونکہ رافضی ائمہ اہل بیت کو نبی کا درجہ دیتے ہیں اور ان پر صلوۃ وسلام بھیجتے ہیں اس لیے ان الفاظ کے استعمال سے ان بدعقیدہ لوگوں کے ساتھ مشابہت لازم آتی ہے جس سے بچنا ضروری ہے۔
امام ابوحنیفہ رحمۃ اللہ علیہ۔
امام مالک رحمۃ اللہ علیہ۔
امام شافعی رحمۃ اللہ علیہ۔
صاحبین اور جمہور علماء کا یہی نظریہ ہے۔
صرف امام احمد بن حنبل رحمۃ اللہ علیہ اس کے جواز کے قائل ہیں۔