حدیث حاشیہ:
فوائد ومسائل:
فتح الباری ج 12،
ص 157 میں ہے،
تحميم الوجه یعنی راکھ سے ملا ہوا گرم پانی ڈالنا،
مراد کوئلے سے منہ کالا کرنا ہے۔
حضرت براء رضی اللہ عنہ کی اس حدیث سے معلوم ہوتا ہے کہ یہودی ایک زانی کو اپنے احبار کی تجویز کردہ سزا دے کر لے جا رہے تھے تو آپ صلی اللہ علیہ وسلم نے ان سے تورات کا حکم پوچھا،
جس سے ظاہر ہوتا ہے،
یہ واقعہ اور ہے اور حضرت ابن عمر روایت میں بیان کردہ واقعہ اور ہے،
کیونکہ اس میں تو اہل فدک نے جوڑے کو بھیجا ہی اس غرض سے تھا کہ وہ ان کو آپ صلی اللہ علیہ وسلم کے پاس لے جائیں اور ان کے آنے کے بعد آپ صلی اللہ علیہ وسلم ان کی درس گاہ میں گئے تھے اور ان سے تورات کا حکم پوچھا تھا اور حضرت عبداللہ بن سلام کے کہنے پر ان کو تورات لانے کے لیے کہا تھا،
جیسا کہ بخاری شریف باب الرجم في البلاط میں ہے،
(قال عبدالله بن سلام،
ادعهم يا رسول الله بالتوراة)
اور اس واقعہ میں تورات لانے کا تذکرہ نہیں ہے،
بلکہ آپ صلی اللہ علیہ وسلم نے اپنے طور پر ان سے پوچھا اور ان کے ایک عالم کے بتانے پر،
اس مرد کو رجم کرنے کا حکم دیا اور پہلا رجم ایک یہودی کا ہوا،
اس لیے آپ صلی اللہ علیہ وسلم نے فرمایا:
”میں تیرے حکم کو زندہ کرنے والا پہلا فرد ہوں۔
“