حدیث حاشیہ:
مفردات الحدیث:
الواشمة:
شم کرنے والی یعنی،
ہتھیلی کی پشت،
کلائی،
ہونٹ،
پیشانی یا عورت کے بدن کے کسی حصہ میں سوئی وغیرہ چبھو کو خون نکالنا پھر اس جگہ سرمہ یا نیل بھرنا تاکہ اس جگہ نقش ونگار بنائے جائیں اور مستوشمة،
وہ عورت ہے جو اس کا مطالبہ کرتی ہے،
مقصد یہ ہے کہ اللہ تعالیٰ نے عورت کو جو حسن وجمال اور خوبصورتی بخشی ہے،
اس پر کفایت کرنا چاہیے،
اس میں تبدیلی کرنا،
انتہائی گھناؤنا جرم ہے،
جو لعنت کا مستحق ہے،
لیکن بدقسمتی سے مسلمان عورتیں مغربی اقوام سے نت نئے فیشن سیکھ رہی ہیں اور اس کے لیے مستقل طور پر بیوٹی پارلر کے نام دکانیں کھل گئی ہیں،
جن میں مصنوعی حسن وجمال کے حصول کے لیے بے انتہا،
پیسا،
ضائع ہورہا ہے،
ایک دور کا فیشن یہ تھا کہ عورتیں بالوں کے ساتھ جوڑ لگواتی تھیں اور آج کا فیشن بالوں کو کاٹنا ہے،
ناخن جن کو کاٹنے کا حکم ہے،
ان کو خونخواردرندوں کی طرح بڑھایا جاتا ہے اور ان پر سرخ یا اپنے ہم رنگ پالش لگائی جاتی ہے،
حالانکہ ناخنوں پر گہری پالش سے وضو بھی مشکوک ہوجاتا ہے،
اکثر علماء کے نزدیک اس صورت میں وضو نہیں ہوتا،
کیونکہ ناخنوں پر پالش ہونے کی وجہ سے،
وہ صحیح طور پر دھل نہیں پاتے،
مزید برآں یہ کافروں کی نشانی ہے،
جو پسندیدہ نہیں ہے،
اگر یہ ان کا شعار ہوتو پھر حرام ہے۔