فوائد:
➊ انبیاء کرام پر عبادات و افعال میں نسیان طاری ہو سکتا ہے۔ لیکن انبیاء کرام اس حالت پر برقرار نہیں رہتے، (بلکہ ان پر سے نسیان کا ازالہ کر دیا جاتا ہے)۔
➋ اکیلا شخص کسی ایسی چیز کا دعویٰ کرے جو مجمعِ عام کے سامنے پیش آتی ہے، تو اس کے ثبوت کے لیے دیگر حاضرین سے پوچھا جائے اور اس صورت میں دوسرے لوگوں سے پوچھے بغیر اکیلے شخص کی بات قبول نہیں کی جائے گی۔
➌ (ان احادیث میں) سہو کے دو سجدوں کا اثبات ہے۔ ہر سجدہ کے لیے تکبیر کہی جائے گی۔ یہ سجدے نماز کے سجدوں کی مثل ہیں کیونکہ مطلق سجدوں کا بیان ہوا ہے، اگر یہ عام معمول سے مختلف ہوتے تو اس کی ضرور وضاحت کر دی جاتی۔ سہو کے سجدوں کے بعد تشہد غیر مشروع ہے۔ اور نماز میں زیادتی کی صورت میں سجدہ سہو سلام پھیرنے کے بعد مشروع ہے۔ [شرح النووي: 70/5]