فوائد:
➊ ان احادیث میں نمازِ خوف کی پانچویں صورت کا بیان ہے، کہ امام ایک گروہ کو ایک رکعت نماز پڑھا کر بیٹھ جائے اور وہ (مقتدی) اپنے طور پر دوسری رکعت ادا کر کے سلام پھیر لیں۔
پھر یہ جماعت دشمن کے بالمقابل چلی جائے اور دوسری جماعت جو دشمن کے بالمقابل تھی، وہ امام کی اقتدا میں ایک رکعت ادا کرے۔
پھر امام بیٹھ جائے اور یہ لوگ اپنے طور پر دوسری رکعت ادا کریں، پھر آخر میں امام کے ساتھ دونوں گروہ ایک ساتھ سلام پھیر لیں، یوں امام اور مقتدیوں کی دو دو رکعتیں ہو جائیں گی۔
نمازِ خوف کا یہ طریقہ بھی مسنون ہے۔
◈ امام ابو حنیفہ رحمہ اللہ نے نمازِ خوف کا یہی طریقہ اختیار کیا ہے۔
➋ نمازِ خوف کی صورت میں اگر دشمن قبلہ کی مخالف سمت میں ہو تو مقتدی دورانِ نماز قبلہ کی مخالف سمت رخ کر سکتے ہیں۔
اس سے نماز میں نقص واقع نہیں ہوتا۔
خوف کی صورت میں قبلہ رخ ہونا شرط نہیں، بلکہ کسی اور جانب بھی رخ کر کے نماز پڑھنے کی رخصت ہے۔