فوائد:
➊ اگر گھر کا مالک گھریلو مجلس کا سربراہ اپنی مجلس میں اور مسجد کا امام اپنی مسجد میں امامت کے زیادہ حق دار ہیں، خواہ دوسرے لوگ ان سے زیادہ فقیہ ہوں، قرآن کا زیادہ ذخیرہ رکھتے ہوں، ان سے زیادہ متقی اور افضل ہوں۔ گھر کا مالک چاہے تو نماز میں خود آگے ہو سکتا ہے اور چاہے تو کسی اور کو آگے کر سکتا ہے، خواہ جسے امام بنایا گیا ہے وہ باقی حاضرین سے کم تر ہو۔ کیونکہ وہ اس کا حاکم ہے اور اس میں اپنی مرضی سے تصرف کر سکتا ہے۔ ◈ شافعیہ کہتے ہیں: اگر سلطان یا اس کا نائب حاضر ہو تو وہ صاحبِ منزل اور امامِ مسجد سے نماز میں مقدم ہوگا کیونکہ اس کی ولایت و سلطنت عام ہے۔ نیز صاحبِ منزل کے لیے بہتر ہے کہ وہ افضل انسان کو امامت کی اجازت دے۔ [شرح صحيح مسلم للنووي: 172/5]
➋ گھر میں گھر کے مالک کی اجازت کے بغیر اس کے بستر وغیرہ پر بیٹھنا جائز نہیں، بلکہ اس کے لیے صاحبِ خانہ کی اجازت ضروری ہے۔