فوائد:
➊ اگر کوئی شخص انفرادی طور پر نماز شروع کرے اور بعد میں آنے والے لوگ اس کی اقتداء میں نماز شروع کر دیں، تو اس صورت میں امامت کا اہتمام کرنا جائز ہے اور انہیں نماز باجماعت کا ثواب ملے گا۔
➋ امام اور مقتدیوں کے درمیان پردہ وغیرہ حائل ہو تو اس سے نماز باجماعت میں نقص واقع نہیں ہوتا۔
➌ دائمی قلیل عمل ایسے کثیر عمل سے بہتر ہے جس میں انقطاع واقع ہو اور آپ صلی اللہ علیہ وسلم کا یہ معمول تھا کہ جس عمل کو شروع کرتے اس پر دوام اختیار کرتے تھے۔