فوائد:
ان احادیث میں باجماعت نماز ادا کرنے کے کچھ آداب ہیں۔
➊ اگر نماز باجماعت ادا کرتے وقت دو مرد اور ایک عورت ہو تو امام و مقتدی ایک صف میں کھڑے ہوں گے اور اکیلی عورت علیحدہ صف میں کھڑی ہو گی۔ اگر دو یا دو سے زائد عورتیں ہوں تو ان کی صف بھی مردوں سے علیحدہ ہو گی۔
➋ عورتوں کا نفل و فرض نماز کی جماعت میں شامل ہونا جائز ہے۔ البتہ عورتوں کی صف مردوں سے پیچھے ہو گی اور مرد اور عورت ایک صف میں کھڑے نہیں ہو سکتے۔