فوائد:
نماز میں تکبیر کہنے، قیام، قعود اور رکوع و سجود میں امام کی اتباع واجب ہے اور مقتدی تمام امور امام کے بعد انجام دے۔
چنانچہ تکبیر تحریمہ اس وقت کہے جب امام تکبیر کہنے سے فارغ ہو چکا ہو، لیکن اگر اس نے امام کے فارغ ہونے سے پہلے تکبیر کہی تو اس کی نماز کا آغاز ہی نہیں ہو گا۔
مقتدی امام کے رکوع میں داخل ہونے کے بعد رکوع میں داخل ہو، پھر اگر وہ امام کے ساتھ یا پہلے رکوع میں چلا جائے تو وہ گناہ گار ہو گا لیکن اس کی نماز باطل نہیں ہو گی، یہی معاملہ سجدے کا ہے اور مقتدی امام کے سلام پھیرنے کے بعد سلام پھیرے، لیکن اگر اس نے امام سے قبل سلام پھیرا تو اس کی نماز باطل ہو گئی اور اگر وہ امام کے ساتھ سلام پھیرے، اس سے پہلے یا بعد میں نہیں، تو وہ گناہ گار ہو گا، اس کی نماز فاسد نہیں ہو گی۔
◈ [شرح النووي: 149/2]