فوائد:
➊ ان احادیث کا مفہوم واضح ہے کہ ان میں امام کو نماز میں اس قدر تخفیف کا حکم ہے کہ تخفیف سے نماز کے ارکان و سنن میں خلل واقع نہ ہو۔ البتہ اکیلا شخص ارکان میں اتنی طوالت کر سکتا ہے جتنی طوالت مناسب ہو۔ مثلاً قیام، رکوع، سجود، تشہد اور دو سجدوں کے درمیانی جلسہ میں طوالت کی جا سکتی ہے۔ [شرح النووي: 216/2]
➋ فرض نمازوں میں اتنی طوالت کہ مقتدیوں پر گراں گزرے اور ان کی مشقت کا باعث ہو مکروہ ہے بلکہ نمازِ باجماعت ہلکے پھلکے انداز میں مشروع ہے۔