فوائد:
➊ ایک دن روزہ رکھنا اور ایک دن روزہ چھوڑنا روزوں کی افضل قسم ہے۔ [المغني: 199/6]
➋ ان احادیث میں رسول اللہ صلی اللہ علیہ وسلم کا امت کے ساتھ نرمی اور شفقت کا بیان ہے اور امت کو ان اعمال کو اختیار کرنے کی نصیحت ہے جو اس پر دوام کی طاقت رکھتے ہوں۔ اور عبادات میں تعمق و بے جا کثرت کی ممانعت ہے کہ اس سے وہ اکتاہٹ اور ان عبادات کو ترک کرنے پر مجبور ہو جائیں گے۔ [شرح النووي: 8/39]
➌ بہترین نفلی روزے داوٗد علیہ السلام کے روزے، ایک دن روزہ رکھنا اور ایک دن روزہ ترک کرنا ہے۔ اس کے علاوہ افضل روزوں کی کوئی اور قسم نہیں۔
➍ بغیر ناغہ کے مسلسل روزے رکھنا ممنوع ہے اور ہمیشہ روزوں کا اہتمام کرنے سے اجر و ثواب نہیں ملتا اور نہ ہی ایسے روزے قبول ہوتے ہیں۔
➎ رخصت کو اختیار کرنا ایسی عزیمت کو اختیار کرنے سے بہتر ہے جس میں رخصت دی گئی ہو۔