فوائد:
➊ یہ احادیث دلیل ہیں کہ نومسلموں کی تالیفِ قلب کے لیے بیت المال سے خرچ کرنا جائز ہے اور اس بارے میں کئی احادیث وارد ہیں، جن میں بیان ہے کہ آپ صلی اللہ علیہ وسلم نے نومسلم افراد کی دلجوئی کے لیے انہیں بیت المال سے عطا فرمایا۔ ان میں ابوسفیان بن حرب، صفوان بن امیہ، عیینہ بن حصین، اقرع بن حابس اور عباس بن مرداس رضی اللہ عنہم کو سو سو اونٹ دیے گئے۔ [نيل الأوطار: 6/461]
➋ یہ احادیث اس بات کی دلیل ہیں کہ تالیفِ قلب کے لیے نومسلموں کو بیت المال سے نوازنا جائز ہے۔ لیکن کیا انہیں زکات سے دیا جائے گا؟ اس بارے میں علما کا اختلاف ہے، اور ہمارے نزدیک راجح موقف یہ ہے کہ انہیں زکات اور بیت المال سے دینا جائز ہے۔ [شرح النووي: 15/72]
➌ نومسلم افراد مالدار و غنی ہوں تب بھی تالیفِ قلب اور اسلام سے مانوس کرنے کے لیے ان پر خرچ کرنا اور مالِ زکات سے دینا جائز ہے۔