فوائد:
➊ یہ احادیث دلیل ہیں کہ غسل میں دائیں اعضاء کو مقدم رکھنا اور بائیں اعضاء کو مؤخر کرنا مستحب فعل ہے۔
وضو، غسل اور عام معمولات میں رسول اللہ صلی اللہ علیہ وسلم کا یہی معمول تھا۔
البتہ دائیں اعضاء کی تقدیم واجب نہیں، اگر اس کے برعکس بائیں اعضاء کو دھونے میں مقدم کیا جائے تو غسل صحیح ہوگا، بشرطیکہ تمام بدن پر پانی بہایا جائے اور جسم کا کوئی حصہ خشک نہ رہے۔
➋ سر پر تین لپ پانی ڈالنے کی ترتیب یہ ہے کہ پہلی لپ سر کے دائیں جانب، دوسری بائیں جانب اور تیسری وسطِ سر میں ڈالی جائے۔
یہ ترتیب مسنون و مستحب ہے۔