فوائد:
➊ صفا مروہ کی سعی کے لیے صفا سے آغاز کرنا شرط ہے، شافعی، مالک اور جمہور علماء اسی موقف کے قائل ہیں۔
➋ دورانِ سعی صفا مروہ پر چڑھنا افضل ہے، جمہور علماء کہتے ہیں کہ یہ عمل مسنون ہے، صحتِ سعی کی شرط اور واجب نہیں، بالفرض اگر کوئی شخص یہ عمل ترک کر دے تو اس کی سعی درست ہے لیکن وہ فضیلت سے محروم رہے گا۔
➌ صفا مروہ پر چڑھ کر بیت اللہ کو دیکھنا مستحب ہے، بشرطیکہ یہ عمل ممکن ہو۔
➍ صفا پر قبلہ رخ ہو کر کھڑا ہونا اور مذکورہ دعا کا اہتمام کرنا افضل ہے۔
➎ بطنِ وادی میں انتہائی تیز چلنا، پھر مروہ تک باقی مسافت عام چال چلنا مستحب فعل ہے اور سعی کا یہ طریقہ سات مرتبہ ہی مستحب ہے، لیکن اگر وہ ایسا نہ کرے تو ایسا شخص اس فضیلت سے محروم رہے گا۔ [شرح النووي: 8/178]