فوائد:
➊ یہ احادیث دلیل ہیں کہ نبی صلی اللہ علیہ وسلم ظہر و عصر کی نمازوں میں پہلی دو رکعات میں لمبی قرأت یعنی سورۂ فاتحہ کے علاوہ کسی اور سورت کی بھی تلاوت کرتے تھے۔
➋ آخری دو رکعات میں فقط سورۂ فاتحہ یا اس کے ساتھ کسی مختصر اور پہلی رکعات کی بہ نسبت کسی چھوٹی سورت کی تلاوت کرتے تھے۔
➌ ظہر و عصر کی آخری دو رکعات میں سورۂ فاتحہ کے ساتھ کسی اور سورت کی تلاوت کرنا یا ترک کر دینا، دونوں صورتیں جائز ہیں۔
➍ نیز ظہر و عصر کی پہلی دو رکعات اور آخری دو رکعات میں قرأت مساوی مساوی اور ایک جیسی ہونی چاہیے اور اس مساوی قرأت کے باوجود پہلی رکعت میں کچھ زیادہ طوالت ہونی چاہیے تاکہ تاخیر سے آنے والے لوگ بھی نماز با جماعت میں شامل ہو سکیں۔