فوائد:
➊ رسول اللہ صلی اللہ علیہ وسلم کا تشہد میں بیٹھنے کا عام معمول یہ تھا کہ آپ صلی اللہ علیہ وسلم پہلے تشہد میں بایاں پاؤں پھیلا کر اس پر بیٹھتے اور دایاں پاؤں کھڑا رکھتے اور آخری تشہد میں تورک کرتے، بائیں پاؤں کو دائیں ٹانگ کے نیچے سے نکال کر بائیں سرین پر بیٹھتے تھے۔
لیکن اس حدیث میں تشہد میں بیٹھنے کا ایک تیسرا طریقہ ہے کہ بائیں پاؤں کو دائیں پنڈلی اور ران کے درمیان داخل کیا جائے اور دایاں پاؤں باہر کی طرف پھیلایا جائے۔
یہ طریقہ بھی مسنون ہے۔
➋ تشہد میں دایاں ہاتھ دائیں گھٹنے پر اور بایاں ہاتھ بائیں گھٹنے پر رکھنا مستحب ہے اور دوران تشہد انگشت شہادت کو مسلسل حرکت دینا بھی مستحب فعل ہے۔