فوائد:
➊ ان احادیث میں تشہد اول میں بیٹھنے کا طریقہ بیان ہوا ہے کہ تشہد اول میں بایاں پاؤں بچھا کر دائیں ٹانگ کے نیچے داخل کرنا اور دایاں پاؤں زمین پر کھڑا رکھنا مسنون ہے۔
➋ نیز حافظ ابن خزیمہ رحمہ اللہ نے ان احادیث سے جو استدلال کیا کہ تشہد میں دائیں ران کو بائیں ران پر رکھنا جائز ہے، ایک تو یہ عقلاً محال ہے کہ ایسا ہونا ناممکن ہے۔
➌ دوسرا سیدنا وائل بن حجر رضی اللہ عنہ سے مروی تمام روایات میں «وَضَعَ فَخِذَهُ الْيُمْنَى عَلَى فَخِذِهِ الْيُسْرَى» (آپ صلی اللہ علیہ وسلم نے اپنی دائیں ران بائیں ران پر رکھی) کے بجائے «وَوَضَعَ يَدَهُ الْيُمْنَى عَلَى فَخِذِهِ الْيُسْرَى» (آپ صلی اللہ علیہ وسلم نے اپنا دایاں ہاتھ اپنی بائیں ران پر رکھا) کے الفاظ ہیں۔
➍ لہذا ابن خزیمہ کا یہ استدلال ان الفاظ کے شذوذ کی وجہ سے درست نہیں۔