حضرت احنف بن قیس فرماتے ہیں کہ میں مدینہ کی ایک مسجد میں بیٹھا ہوا تھا کہ اتنے میں ایک شخص آیا، جو حلقہ بھی اسے دیکھتا اس سے بھاگ جاتا، یہاں تک کہ وہ اس حلقہ تک پہنچا جس میں میں تھا، لوگ تو بھاگ گئے لیکن میں وہیں ثابت قدم رہا۔ میں نے پوچھا: آپ کون ہیں؟ انہوں نے فرمایا: رسول اللہ صلی اللہ علیہ وسلم کا صحابی ابو ذر۔ میں نے عرض کیا: لوگ آپ سے کیوں بھاگتے ہیں؟ فرمایا: اس لئے کہ میں انہیں خزانے (جمع کرنے) سے روکتا ہوں۔ میں نے عرض کیا: ہمارے وظیفے بہت بڑھ گئے ہیں اور بلند ہو گئے ہیں، کیا آپ کو ان کی وجہ سے ہم پر (کسی نقصان کا) خوف ہے؟ انہوں نے فرمایا: آج تو نہیں، لیکن قریب ہے کہ یہ تمہارے دین کی قیمت بن جائیں، پس (اس وقت) انہیں (حکمرانوں کو) اور ان (وظیفوں) کو چھوڑ دینا۔ [مصنف ابن ابي شيبه/كتاب الزكاة/حدیث: 11003]