حضرت عائشہ رحمہا اللہ بنت سعد فرماتی ہیں کہ حضرت سعد کو حضرت سعید بن زید کے جنازے پر بلایا گیا وہ بقیع کے ساتھ تھے، آپ تشریف لائے اور آپ نے ان کو غسل دیا، کفن پہنایا اور پھر ان کو خوشبو لگائی، پھر آپ گھر تشریف لائے اور ان کی نماز جنازہ پڑھی۔ اور انکے بعد پانی منگوا کر غسل فرمایا اور ارشاد فرمایا: میں نے اس لیے غسل نہیں کیا کہ میں نے میت کو غسل دیا تھا، اگر وہ ناپاک ہوتا تو میں اسے غسل ہی نہ دیتا، بلکہ میں تو گرمی کی وجہ سے نہایا ہوں۔ [مصنف ابن ابي شيبه/كتاب الجنائز/حدیث: 11468]