حضرت جبار الطائی فرماتے ہیں کہ میں حضرت ام مصعب بن زبیر کے جنازہ میں حاضر ہوا وہاں حضرت ابن عباس رضی اللہ عنہما بھی اپنی گدھی پر سوار موجود تھے۔ وہ گزرے اور حضرت عبد اللہ بن عمرو رضی اللہ عنہما اور حضرت عبد اللہ بن عمر رضی اللہ عنہما کے برابر آگئے۔ راوی کہتے ہیں کہ انہوں نے چلانے اور چیخنے والیوں کی آوازیں سنیں تو میں نے ابن عباس رضی اللہ عنہما سے عرض کیا: اے ابو العباس! یہاں پر یہ ہو رہا ہے اور آپ پھر بھی یہاں موجود ہیں؟ آپ نے فرمایا: اے جبار ہم سے خود کو دور رکھو (ہم اس کے مکلف نہیں) بیشک اللہ تعالیٰ ہی ہنساتا ہے اور اللہ ہی رلاتا ہے۔ [مصنف ابن ابي شيبه/كتاب الجنائز/حدیث: 11632]