حضرت عطاء بن السائب فرماتے ہیں کہ ثقیف کے ایک شخص کی والدہ کا انتقال ہوگیا جو کہ نصرانیہ تھی۔ اس نے حضرت ابن مغفل سے اس کے متعلق دریافت کیا اور کہا کہ مجھے یہ پسند ہے کہ میں اس کے جنازے میں حاضر ہوں لیکن اس کے جنازے کے ساتھ (پیچھے) نہ چلوں، آپ نے فرمایا: سواری پر سوار ہو جاؤ اور اس کے آگے تین سے چار سو گز چلو کیونکہ جب تم اس کے آگے چلو گے تو اس کے ساتھ شمار نہیں ہو گے۔ [مصنف ابن ابي شيبه/كتاب الجنائز/حدیث: 12206]