حضرت جابر سے مروی ہے کہ نبی کریم صلی اللہ علیہ وآلہ وسلم بنو عبد المطلب کے پاس تشریف لائے، وہ بیر زم زم سے پانی نکال رہے تھے، آپ صلی اللہ علیہ وآلہ وسلم نے فرمایا: اے بنو عبد المطلب! پانی نکالو، اگر مجھے اس بات کا خوف نہ ہوتا کہ لوگ تمہاری سقایہ (پانی پلانے کی خدمت) پر تم سے غالب آ جائیں گے تو میں بھی تمہارے ساتھ پانی نکالتا، پھر انہوں نے آپ صلی اللہ علیہ وآلہ وسلم کو ڈول پکڑایا تو آپ صلی اللہ علیہ وآلہ وسلم نے اس میں سے پیا۔ [مصنف ابن ابي شيبه/كتاب الحج/حدیث: 13804]