حضرت انس رضی اللہ عنہ فرماتے ہیں کہ رسول اللہ صلی اللہ علیہ وآلہ وسلم نے ایک شخص کو دیکھا کہ وہ دو آدمیوں کے سہارے چل رہا ہے، یزید راوی فرماتے ہیں کہ اپنے دو بیٹوں کے سہارے، آپ صلی اللہ علیہ وآلہ وسلم نے دریافت فرمایا: یہ کیا ہے؟ لوگوں نے عرض کیا کہ اس نے پیدل چلنے کی نذر مانی ہے، آپ صلی اللہ علیہ وآلہ وسلم نے ارشاد فرمایا: بیشک اللہ عزوجل اس شخص کے اپنے آپ کو تکلیف دینے سے بےنیاز ہے، اس سے کہو کہ سوار ہوجائے۔ [مصنف ابن ابي شيبه/كتاب الحج/حدیث: 14086]