حضرت عمران بن حصین رضی اللہ عنہ فرماتے ہیں کہ میں نے رسول اللہ صلی اللہ علیہ وسلم کے ساتھ حج کیا، آپ صلی اللہ علیہ وسلم نے مدینہ واپس لوٹنے تک صرف دو رکعتیں ہی پڑھیں، اور میں نے حضرت ابوبکر کے ساتھ حج کیا، انہوں نے بھی مدینہ واپس لوٹنے تک صرف دو رکعتیں ہی پڑھیں، اور میں نے حضرت عمر کے ساتھ کئی حج کیے، انہوں نے بھی مدینہ واپس لوٹنے تک صرف دو رکعتیں ہی پڑھیں، اور حضرت عثمان نے اپنی خلافت کے سات سال حج کیا، وہ صرف دو رکعتیں ہی پڑھتے تھے، پھر انہوں نے منیٰ میں چار رکعتیں پڑھیں۔ [مصنف ابن ابي شيبه/كتاب الحج/حدیث: 14522]