حضرت جابر بن عبد اللہ رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا کہ ”جب تم میں سے کوئی کسی عورت کو نکاح کا پیام بھجوائے تو اگر اس میں سے وہ چیز دیکھنے کی طاقت رکھتا ہو جو اسے اس سے نکاح کی طرف مائل کرے تو ایسا کرلے“ پس میں نے بنو سلمہ کی ایک لڑکی کے لئے نکاح کا پیغام بھجوایا اور کھجور کی چھال کے نیچے چھپ کر میں نے اس میں سے وہ چیز دیکھ لی جو مجھے اس سے نکاح کی طرف مائل کرتی تھی اور پھر اس سے شادی کرلی۔ [مصنف ابن ابي شيبه/كتاب النكاح/حدیث: 18294]