حضرت شعبی رحمہ اللہ فرماتے ہیں کہ ام بنین بنت عیینہ بن حصن، حضرت عثمان بن عفان رضی اللہ عنہ کے نکاح میں تھیں۔ جب حضرت عثمان رضی اللہ عنہ کا کاشانۂ خلافت میں محاصرہ کیا گیا تو انہوں نے ام بنین کو طلاق دے دی۔ اس سے پہلے انہوں نے ان کی طرف پیغام بھیجا تھا کہ ان سے ان کا (میراث کا) آٹھواں حصہ خرید لیں لیکن انہوں نے انکار کردیا۔ حضرت عثمان کی شہادت کے بعد ام بنین نے اس بات کا تذکرہ حضرت علی رضی اللہ عنہ سے کیا تو انہوں نے فرمایا کہ انہوں نے اسے چھوڑے رکھا یہاں تک کہ جب موت کے قریب ہوئے تو اسے طلاق دے دی۔ پھر حضرت علی رضی اللہ عنہ نے اسے وارث قرار دیا۔ [مصنف ابن ابي شيبه/كتاب الطلاق/حدیث: 20159]