حضرت مسروق رحمہ اللہ فرماتے ہیں کہ حضور صلی اللہ علیہ وسلم نے اپنی ام ولد کو اپنے اوپر حرام کرلیا اور اس بات کی قسم کھالی کہ اس کے قریب نہیں جائیں گے۔ اس پر اللہ تعالیٰ نے یہ آیت آخر تک نازل فرمائی { یَا أَیُّہَا النَّبِیُّ لِمَ تُحَرِّمُ مَا أَحَلَّ اللَّہُ لَکَ تَبْتَغِی مَرْضَاۃَ أَزْوَاجِکَ } تو اس میں آپ سے کہا گیا کہ جسے حرام کیا ہے وہ حلال ہے اور جو قسم آپ نے کھائی ہے تو اللہ تعالیٰ نے قسموں کا کفارہ مقرر فرما دیا ہے۔ [مصنف ابن ابي شيبه/كتاب الطلاق/حدیث: 20201]