حضرت ابو سعید رضی اللہ عنہ سے روایت ہے کہ رسو ل اللہ (صلی اللہ علیہ وآلہ وسلم) نے ارشاد فرمایا: کہ اللہ کے رستے میں جہاد کرنے والے کے بارے میں اللہ تعالیٰ نے ذمہ لیا ہے کہ یا تو اللہ تعالیٰ اسے (موت دے کر) اپنی مغفرت اور رحمت کی طرف لے جائیں گے یا وہ اجر اور مال غنیمت کے ساتھ واپس لوٹ آئے گا۔ اللہ کے رستے میں جہاد کرنے والے کی مثال اس شخص کی سی ہے جو دن کو روزہ رکھے اور رات کو قیام کرے اور واپس لوٹنے تک اپنے ان اعمال میں کوئی سستی نہ برتے۔ [مصنف ابن ابي شيبه/كتاب الجهاد/حدیث: 20576]