حضرت عدی بن حاتم رضی اللہ عنہ فرماتے ہیں کہ میں نے نبی کریم صلی اللہ علیہ وسلم سے سوال کیا، میں نے عرض کیا کہ ہم ایسے لوگ ہیں جو ان کتوں کے ذریعے شکار کرتے ہیں۔ آپ صلی اللہ علیہ وسلم نے فرمایا کہ جب تم اپنے سدھائے ہوئے کتے چھوڑو اور ان پر اللہ کا نام لو تو جو شکار وہ تمہارے لیے روک رکھیں اسے کھالو خواہ وہ اسے مار ڈالیں، سوائے اس کے کہ وہ اس میں سے کھالیں، اگر وہ کھالیں تو تم مت کھاؤ، کیونکہ مجھے اندیشہ ہے کہ کتے نے اسے اپنے ہی لیے روکا ہو، اور اگر ان کے ساتھ دوسرے کتے مل جائیں تو مت کھاؤ۔ [مصنف ابن ابي شيبه/كتاب الصيد/حدیث: 20725]