حضرت طلق بن معاویہ رحمہ اللہ فرماتے ہیں کہ ایک شخص کے ذمہ میرے تین سو درہم تھے، میں نے اس کے ساتھ حضرت شریح رحمہ اللہ کے سامنے مخاصمہ کیا، اس شخص نے عرض کیا کہ انہوں نے مجھ سے وعدہ کیا تھا کہ میرے ساتھ اچھا برتاؤ کریں گے۔ حضرت شریح رحمہ اللہ نے فرمایا: اللہ کا ارشاد ہے: اِن اللّٰہ یأمرکم أن تؤدّوا الأمانات إلی أھلھا۔ اور اس کو قید میں رکھنے کا حکم فرمایا، حالانکہ میں نے ان سے اس کی قید کا مطالبہ نہیں کیا تھا، یہاں تک کہ اس نے میرے ساتھ ڈیڑھ سو درہم پر صلح کرلی۔ [مصنف ابن ابي شيبه/كتاب البيوع والأقضية/حدیث: 22198]