حضرت عطاء سے مروی ہے کہ میں نے حضرت سعید بن المسیب رحمہ اللہ کے غلام سے چار دینار میں اونٹنی خریدی، وہ اپنا حق وصول کرنے جب میرے پاس آیا تو میں نے اس سے کہا کہ میرے پاس دراہم ہیں دینار نہیں ہیں، اس نے کہا کہ میں سعید بن مسیب سے پوچھ کرلوں گا۔ حضرت سعید بن مسیب نے فرمایا: اس سے نقد دینار ہی وصول کرو، اور اگر وہ انکار کرے تو چھوڑ دینا، اس کا معاملہ اللہ پاک کے ہاں وعدے پر ہے۔ [مصنف ابن ابي شيبه/كتاب البيوع والأقضية/حدیث: 22542]