حضرت ہلال بن یساف سے روایت ہے۔ کہتے ہیں کہ رسول اللہ صلی اللہ علیہ وسلم کے زمانے میں ایک آدمی زخمی ہوگیا تو آپ صلی اللہ علیہ وسلم نے فرمایا: ”اس کے لئے طبیب کو بلاؤ۔“ لوگوں نے عرض کیا۔ یا رسول اللہ صلی اللہ علیہ وسلم ! کیا طبیب اس کو کوئی فائدہ دے سکتا ہے؟ آپ صلی اللہ علیہ وسلم نے فرمایا: ”ہاں، بیشک اللہ تبارک و تعالیٰ نے کوئی بیماری نہیں اتاری مگر یہ کہ اس کے ساتھ شفاء بھی اتاری ہے۔“ [مصنف ابن ابي شيبه/ كتاب الطب/حدیث: 24958]